ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ၊ ပင်းတယမြို့ရှိ ရွှေဥမင်သဘာဝလိုဏ်ဂူတော် ဘုရား၏ ဗုဒ္ဓပူဇနိယပွဲတော်အား ရွှေဥမင်သဘာဝလိုဏ်ဂူတော်ဘုရားနယ်မြေအတွင်း မတ်လ ၁၀ ရက်မှ ၁၅ ရက်အထိ ၆ ရက်တိုင်တိုင်ကျင်းပသွားမည်ဖြစ်ကြောင်း သိရပါတယ်။ ရွှေဥမင်သဘာဝလှိုဏ်ဂူတော်ဘုရား၏ ဗုဒ္ဓပူဇနိယပွဲတော်၌ ဈေးရောင်းပွဲတော်များ၊ တိုင်းရင်းသားရိုးရာ တေးသီချင်းများ၊ အကအလှများဖြင့် သီဆိုဖျော်ဖြေတင်ဆက်ခြင်း၊ တပေါင်းလပြည့်အဖိတ်နေ့တွင် ဒေသခံများက မြို့နယ်အတွင်းရှိ ဆရာတော်၊ သံဃာတော်များအား ဆွမ်းဆန်စိမ်းနှင့် လှူဖွယ်ဝတ္ထုပစ္စည်းများ လောင်းလှူခြင်းတို့ဖြင့် ဆင်ယင်ကျင်းပသွားမှာဖြစ်ပါတယ်။ တပေါင်းလပြည့်နေ့တွင် ရွှေဥမင်သဘာဝလိုဏ်ဂူတော်အတွင်းရှိ ရှေးဟောင်းစေတီများ၊ ဗုဒ္ဓရုပ်ပွားတော် များနှင့် သာသနာ့နယ်မြေအတွင်းရှိ ဘုရားစေတီပုထိုးများအား မြို့နယ်အတွင်းရှိ ဆရာတော်၊ သံဃာတော်များက ဗုဒ္ဓါဘိသေက အနေကဇာတင်ခြင်းများကို ဆင်ယင်ကျင်းပသွားမှာဖြစ်ကြောင်း သိရပါတယ်။(NVS 004)