ပဲခူတိုင်းဒေသကြီး၊ တောင်ငူမြို့နယ်၊ ကေတုမတီမြို့သစ်တွင် သီတဂူကေတုမတီ အာယုဒါနဆေးရုံတော်ကြီးကို မတ်လ ၆ ရက်ကဖွင့်လှစ်ခဲ့ကြောင်း သိရပါတယ်။ ဆေးရုံတော်ကြီးဖွင့်လှစ်ပွဲအခမ်းအနားကို သီတဂူကမ္ဘာ့ဗုဒ္ဓတက္ကသိုလ်များနဲ့ ဆေးရုံတော်များရဲ့ အဓိပတိ နိုင်ငံတော်ဩဝါဒါစရိယ၊ ရွှေကျင်နိကာယ ဂဏာဓိပတိ၊ သောဠသမရွှေကျင်သာသနာပိုင်၊ အဘိဓဇမဟာရဌဂုရု အဘိဓဇအဂ္ဂမဟာသဒ္ဒမ္မဇောတိက ဒေါက်တာ ဘဒ္ဒန္တ ဉာဏိဿရ သီတဂူဆရာတော်ကြီးနဲ့ ဆရာတော်ကြီးများ၊ သံဃာတော်များ ကြွရောက်တော်မူကြပြီး သာသနာရေးနဲ့ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးတင်ဦးလွင်၊ ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာ သက်ခိုင်ဝင်း၊ ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး ဖုန်းမြတ်၊ တောင်ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ် ကြည်သိုက် နဲ့ တာဝန်ရှိပုဂ္ဂိုလ်တွေ တက်ရောက်ကြည်ညိုခဲ့ကြပါတယ်။ အခမ်းအနားတွင် သီတဂူဆရာတော်ကြီးထံမှ ဧည့်ပရိတ်သတ်များက ငါးပါးသီလခံယူဆောက်တည်ပြီး ဩဝါဒကထာ နာယူကြပါတယ်။ ဆက်လက်ပြီး သီတဂူဆရာတော်ကြီးထံသို့ အလှုရှင်များက ဆေးရုံတော်ကြီးအတွက် အလှုငွေများ ဆက်ကပ်လှူဒါန်းကြရာ ဆရာတော်ကြီးများကိုယ်စား ပြည်ထောင်စုဝန်ကြီးများက အလှုငွေများ လက်ခံကာ ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ကြပါတယ်။(NVS 004)