“မြန်မာ-ရုရှား ကုမ္ပဏီများကြား ပို့ကုန်/သွင်းကုန်များ တင်ပို့/တင်သွင်းနိုင်ရေးအတွက် နားလည်မှုစာချွန်လွှာ လက်မှတ်ရေးထိုး”
07 Mar
မြန်မာ-ရုရှား ကုမ္ပဏီများကြား ပို့ကုန်/သွင်းကုန်များ တင်ပို့/တင်သွင်းနိုင်ရေးအတွက် နားလည်မှုစာချွန်လွှာ ကို မတ်လ ၆ ရက်နံနက်ပိုင်းက ရုရှားနိုင်ငံ၊ စိန့်ပီတာစဘတ်မြို့မှာ လက်မှတ်ရေးထိုးခဲ့ကြကြောင်း သိရပါတယ်။ မြန်မာနိုင်ငံမှပေါင်းဆန်များကို ရုရှားနိုင်ငံသို့တင်ပို့နိုင်ရေးနှင့် ရုရှားနိုင်ငံမှ ဓာတ်မြေသြဇာများ၊ ပိုးသတ်ဆေး များဝယ်ယူနိုင်ရေးတို့အတွက် မြန်မာနိုင်ငံမှ ကုမ္ပဏီတစ်ခုနှင့် ရုရှားနိုင်ငံမှ ကုမ္ပဏီတစ်ခုတို့ နားလည်မှုစာချွန်လွှာ လက်မှတ်ရေးထိုးခဲ့ကြခြင်းဖြစ်ကြောင်း သိရပါတယ်။ မြန်မာ-ရုရှားနှစ်နိုင်ငံ ပို့ကုန်/သွင်းကုန်များ တင်ပို့/တင်သွင်းနိုင်ရေးအတွက် နားလည်မှုစာချွန်လွှာကို မြန်မာ နိုင်ငံဘက်မှ ပို့ကုန်တင်ပို့မည့်ကုမ္ပဏီ၏ ဒါရိုက်တာ ဦးမောင်မောင်ကျော်နှင့် ရုရှားနိုင်ငံဘက်မှ သွင်းကုန်တင်သွင်းမယ့် ကုမ္ပဏီရဲ့ တာဝန်ရှိသူတို့က လက်မှတ်ရေးထိုးခဲ့ကြကြောင်း သိရပါတယ်။ အဆိုပါ လက်မှတ်ရေးထိုးပွဲသို့ နစက အဖွဲ့ဝင်ဗိုလ်ချုပ်ကြီး ညိုစော၊ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာ ကံဇော်၊ UMFCCI အသင်းချုပ်နှင့် မြန်မာနိုင်ငံဓာတ်မြေသြဇာအသင်းတို့မှ ကိုယ်စားလှယ်များ တက်ရောက် ခဲ့ကြကြောင်း သိရပါတယ်။ နားလည်မှုစာချွန်လွှာများလက်မှတ်ရေးထိုးနိုင်ခြင်းက ရုရှားနိုင်ငံ၊ မော်စကိုမြို့မှာ မတ်လ ၅ ရက်က ကျင်းပခဲ့တဲ့ မြန်မာ-ရုရှား စီးပွားရေးဖိုရမ်တွင် ဆွေးနွေးညှိနှိုင်းချက်အရဖြစ်ကြောင်း သိရပါတယ်။ (NVS 004)
