“လေးဆူဓာတ်ပျော် ရွှေဆံတော်စေတီတော်မြတ်ကြီး တောင်ဘက်စောင်းတန်းကို ပြုပြင်မွမ်းမံနိုင်ရန်ဆောင်ရွက်”
06 Mar
ပဲခူးတိုင်းဒေသကြီး၊ ပြည်မြို့နယ်ရှိ လေးဆူဓာတ်ပျော် ရွှေဆံတော်စေတီတော်မြတ်ကြီး တောင်ဘက်စောင်းတန်း ကို ရှေးမူမပျက် မြန်မာမှုလက်ရာများဖြင့် ပြုပြင်မွမ်းမံနိုင်ရန်နှင့် စက်လှေကားများ ထည့်သွင်းတပ်ဆင်သွားရန် စီမံ ဆောင်ရွက်နေကြောင်း လေးဆူဓာတ်ပျော်ရွှေဆံတော်စေတီတော်မြတ်ကြီး ဘဏ္ဍာတော်ထိန်းဂေါပကအဖွဲ့မှ သိရပါ တယ်။ လက်ရှိမှာ လေးဆူဓာတ်ပျော် ရွှေဆံတော်စေတီတော်မြတ်ကြီးတွင် သာသနိကအဆောက်အအုံများကို အဆင့် မြှင့်တင်ပြင်ဆင်ခြင်းနှင့် တည်ဆောက်ခြင်းများ ဆောင်ရွက်လျက်ရှိရာ ရင်ပြင်တော်ပေါ်ရှိ ရွှေဆံတော်စေတီတော် ဗုဒ္ဓပြတိုက်ကို အဆင့်မြှင့်တင်ပြုပြင်ခြင်း၊ ရင်ပြင်တော်တိုးချဲ့ခြင်းနှင့် လေးထပ်ဓမ္မာရုံကြီး တည်ဆောက်ခြင်းတို့ကို ဆောင်ရွက်ထားလျက်ရှိပါတယ်။ အဆိုပါစေတီတော်ကြီး၏ စောင်းတန်းကို မြန်မာမှုလက်ရာများအတိုင်း ရှေးမူမပျက် ပြုပြင်မွမ်းမံရာတွင် စေတီတော်ကြီး၌ အလှူခံဌာနများဖွင့်လှစ်ထားပြီး စေတနာရှင်များက ကုသိုလ်ပြုပါဝင်လှူဒါန်း နိုင်ပါတယ်။ လေးဆူဓာတ်ပျော် ရွှေဆံတော်စေတီတော်မြတ်ကြီးသို့ အနယ်နယ်အရပ်ရပ်မှ ဘုရားဖူးပြည်သူများ နေ့စဉ် လာရောက် ဖူးမြော်ကြည်ညိုလျက်ရှိပြီး ဘုရားဖူးပြည်သူဦးရေ ၄၀၀ ခန့် နေ့စဉ်ရှိနေပြီး ရုံးပိတ်ရက်များမှာ ဘုရားဖူး ပြည်သူဦးရေ တစ်ရက်လျှင် ၈၀၀ ထိရှိကာ အခါကြီးရက်ကြီးများမှာတော့ ဘုရားဖူးပြည်သူဦးရေ ၁,၀၀၀ ခန့်အထိ လာရောက် ဖူးမြော်ကြည်ညိုလျက်ရှိကြောင်း သိရပါတယ်။ (NVS-004)
