ပညာရေးဝန်ကြီးဌာန (၂၄)ကြိမ်မြောက် ဝိဇ္ဇာနှင့်သိပ္ပံ သုတေသနညီလာခံ(Research and Innovation for Peace, Prosperity and Sustainability) ကို ရန်ကုန်တက္ကသိုလ်မှာ ကျင်းပသွားမည်ဖြစ်ကြောင်း သိရပါတယ်။ အဆိုပါ ညီလာခံပွဲကို ရန်ကုန်တက္ကသိုလ်၊ ရန်ကုန်စီးပွားရေးတက္ကသိုလ်နှင့် ရန်ကုန်ပညာရေးတက္ကသိုလ်တို့မှာ မတ်လ ၉ ရက်မှ ၁၁ ရက်အထိ ကျင်းပသွားမှာဖြစ်ပြီး သုတေသနစာတမ်းများ ဖတ်ကြားသွားမှာဖြစ်ပါတယ်။ သုတေသနစာတမ်းများဖတ်ကြားရာတွင် ဝိဇ္ဇာပညာရပ်ဆိုင်ရာ စာတမ်း ၁၁၉ စောင်နှင့် သိပ္ပံပညာရပ်ဆိုင်ရာ စာတမ်း ၁၅၅ စောင်တို့ကို ရန်ကုန်တက္ကသိုလ် ဝိဇ္ဇာနှင့်သိပ္ပံခန်းမများ၌ ဖတ်ကြားဆွေးနွေးသွားမှာဖြစ်ပြီး ရန်ကုန် စီးပွားရေးတက္ကသိုလ်ခန်းမတွင် စာတမ်း ၂၈ စောင်၊ ရန်ကုန်ပညာရေးတက္ကသိုလ်တွင် ပညာရေးစိတ်ပညာဆိုင်ရာ စာတမ်း အစောင် ၇၀ စုစုပေါင်းစာတမ်း ၃၇၂ စောင်တို့ကို ဖတ်ကြားဆွေးနွေးကြမည်ဖြစ်ကြောင်း ပညာရေးဝန်ကြီးဌာနမှသိရပါ တယ်။(NVS-004)