“ပအိုဝ့်အမျိုးသားနေ့နှင့် ပအိုဝ့်တိုင်းရင်းသားရိုးရာတပေါင်းပွဲတော် ကျင်းပမည်”
06 Mar
(၇၆)နှစ်မြောက် ပအိုဝ့်အမျိုးသားနေ့နှင့် ပအိုဝ့်တိုင်းရင်းသားရိုးရာ တပေါင်းပွဲတော်အခမ်းအနားကို ကရင် ပြည်နယ်အတွင်းရှိ ပအိုဝ့်တိုင်းရင်းသားများ နေထိုင်ရာဒေသတွင် စည်ကားသိုက်မြိုက်စွာ ကျင်းပမည်ဖြစ်ကြောင်း ပအိုဝ့် တိုင်းရင်းသားစာပေနှင့်ယဉ်ကျေးမှုအဖွဲ့(ကရင်ပြည်နယ်)အဖွဲ့မှ သိရပါတယ်။ ပအိုဝ့်တိုင်းရင်းသားများ၏ (၇၆)နှစ်မြောက် ပအိုဝ့်အမျိုးသားနေ့သည် ယခုနှစ် မတ်လ ၁၃ ရက်(တပေါင်းလပြည့် နေ့)တွင် ကျရောက်မှာဖြစ်ပါတယ်။ ပွဲတော်ကို ပအိုဝ့်တိုင်းရင်းသားများ အဓိကနေထိုင်ရာ ပအိုဝ့်ကိုယ်ပိုင်အုပ်ချုပ်ခွင့်ရဒေသနဲ့ ရှမ်းတောင်ပိုင်းက မြို့ကြီးများမှာ ပအိုဝ့်တိုင်းရင်းသားရိုးရာ အဆို၊ အတီး၊ အကတွေနဲ့ ကျင်းပသွားမှာဖြစ်သလို အနယ်နယ်အရပ်ရပ်မှာရှိတဲ့ ပအိုဝ့်တိုင်းရင်းသားတွေ နေထိုင်ရာဒေသများမှာလည်း ကျင်းပသွားမှာဖြစ်ပါတယ်။ လက်ရှိမှာတော့ ကရင်ပြည်နယ် မြိုင်ကလေးဒေသမှာ ကျင်းပဖို့ ပြင်ဆင်လျက်ရှိကြောင်းသိရပါတယ်။ (NVS-004)
