“ပြည်ပမှ ဘိလပ်မြေများ ရန်ကုန်ဆိပ်ကမ်းသို့ ထပ်မံရောက်ရှိ”
06 Mar
ပွင့်လင်းရာသီသို့ ရောက်ရှိလာပြီဖြစ်၍ နိုင်ငံတစ်ဝန်းတွင် ဆောက်လုပ်ရေးလုပ်ငန်းများ အရှိန်အဟုန်ဖြင့် ဆောင်ရွက်လျက်ရှိရာ အဆိုပါတည်ဆောက်မှု လုပ်ငန်းများအတွက်လိုအပ်တဲ့ ပြည်တွင်းဘိလပ်မြေလိုအပ်ချက်ကို ပြည့်မီစေရန်နှင့် ပြည်တွင်းထုတ်လုပ်မှုအား အင်အားဖြည့်တင်းပေးနိုင်ရန်အတွက် ပြည်ပမှဘိလပ်မြေများကို တင်သွင်း ခွင့်ပြုလျက်ရှိပါတယ်။ ထိုသို့ဆောင်ရွက်လျက်ရှိရာ ကော့သောင်းနယ်စပ်ကုန်သွယ်ရေးစခန်းမှတစ်ဆင့် တင်သွင်းလာသော ဘိလပ်မြေ တန်ချိန် ၃,၀၀၀ တင်ဆောင်လာသည့် ရေယာဉ်သည် ရန်ကုန်မြို့၊ ရွှေပြည်သာရှိ ရွှေမဲဆိပ်ကမ်းသို့ မတ်လ ၄ ရက် ညနေပိုင်းမှာ ရောက်ရှိခဲ့ပြီး မတ်လ ၅ ရက်မှ စတင်၍ ဈေးကွက်အတွင်း ဖြန့်ဖြူးရန်ဆောင်ရွက်ပေးလျက်ရှိပါတယ်။ ပြည်တွင်းဆောက်လုပ်ရေးလုပ်ငန်းများအတွက် ယခုကာလအတွင်းလိုအပ်သော ဘိလပ်မြေကို တင်သွင်းခွင့်ပြု ထားပြီး ဘိလပ်မြေများတင်ဆောင်လာသည့် ရေယာဉ်များသည်လည်း အပတ်စဉ် ဆက်လက်ရောက်ရှိလာမည် ဖြစ်ကြောင်း သိရပါတယ်။ (NVS-004)
