ကြွက်သားဒဏ်ရာရခဲ့တဲ့ အင်တာမီလန်နောက်ခံလူ ဒီမာကို ဟာ ရက်သတ္တပတ် ၃ ပတ်လောက် အနားယူရမှာ ဖြစ်တယ်လို့ သတင်းတွေက ဖော်ပြခဲ့ကြပါတယ်။ နောက်ခံလူ ဒီမာကို ဟာ နာပိုလီအသင်းနဲ့ တစ်ဂိုးစီသရေကျတဲ့ပွဲမှာ ကြွက်သားဒဏ်ရာကို ရရှိခဲ့တာဖြစ်ပြီး ပွဲအပြီး ဆေးစစ်ချက်အရ ကြွက်သားဒဏ်ရာက သိပ်မပြင်းထန်ဘူးလို့ အင်တာမီလန်အသင်းက ထုတ်ပြန်ခဲ့ပါတယ်။ ဒါပေမယ့် အသက် ၂၇ နှစ်အရွယ် ဒီမာကို ဟာ ဖီယင်နုအသင်းနဲ့ ကစားရမယ့် ချန်ပီယံလိဂ် ၁၆ သင်းအဆင့် ရှုံးထွက် ၂ ကျော့စလုံးကို လွဲချော်ရမှာဖြစ်သလို မတ်လ ၁၆ ရက်မှာ ကစားရမယ့် အတ္တလန္တာအသင်းနဲ့ စီးရီးအေချန်ပီယံဆု အတွက် အရေးပါတဲ့ပွဲကိုလည်း လွဲချော်ရတော့မှာ ဖြစ်ပါတယ်။ ဒါ့အပြင် ဒီမာကို အနေနဲ့ မတ်လ ၂၁ ရက်မှာ ဂျာမနီ အသင်းနဲ့ ကစားရမယ့် နေးရှင်းလိဂ်ကွာတားဖိုင်နယ်ပွဲအမီ ပြန်ပါနိုင်ဖို့ကို စောင့်ကြည့်ရမယ်လို့ ဆိုပါတယ်။ (NVS 008)