“ယခုနှစ် ကာကွယ်ရေးအသုံးစရိတ်ကို ၇ ဒသမ ၂ ရာခိုင်နှုန်းထိမြှင့်တင်မည်ဟု တရုတ်နိုင်ငံဝန်ကြီးချုပ် လီချန်း ပြောကြား”
06 Mar
ယခုနှစ်အတွက် ကာကွယ်ရေးအသုံးစရိတ်ကို ၇ ဒသမ ၂ ရာခိုင်နှုန်းထိ မြှင့်တင်သုံးစွဲမည်ဖြစ်ကြောင်း တရုတ်ဝန်ကြီးချုပ် လီချန်းက မတ်လ ၅ ရက်တွင် ကြေညာထားသည်။ ပေကျင်းမြို့၌ကျင်းပနေသည့် အမျိုးသား ပြည်သူ့ကွန်ဂရက်ညီလာခံတွင် တရုတ်နိုင်ငံ၏ ယခုနှစ် ကာကွယ်ရေးအသုံးစရိတ်ကို ဝန်ကြီးချုပ် လီချန်း က ကြေညာခဲ့ခြင်းဖြစ်သည်။ ၂၀၂၅ ခုနှစ်အတွက် အမျိုးသားကာကွယ်ရေးအသုံးစရိတ်ကို ၇ ဒသမ ၂ ရာခိုင်နှုန်း မြှင့်တင်၍ ယွမ်ငွေ ၂၄၅ ဒသမ ၆ ဘီလီယံ ထိ သုံးစွဲမည်ဖြစ်ကြောင်း ဝန်ကြီးချုပ်လီချန်းက ပြောကြားခဲ့သည်။ တရုတ်နှင့်အမေရိကန်နိုင်ငံတို့ကြား အားပြိုင်မှုပြင်းထန်လာချိန်၊ ကမ္ဘာတစ်ဝန်း၌ ပထဝီနိုင်ငံရေး တင်းမာမှု များ ရှိနေချိန်တွင် တရုတ်နိုင်ငံက ၂၀၂၅ ခုနှစ် ကာကွယ်ရေးအသုံးစရိတ်ကို ၁၀ နှစ်မြောက်အဖြစ် ဆက်တိုက်မြှင့် တင်ခဲ့ခြင်း ဖြစ်သည်။ တရုတ်နိုင်ငံသည် ၂၀၂၄ ခုနှစ် ကလည်းအမျိုးသားကာကွယ်ရေးအသုံးစရိတ်ကို ၇ ဒသမ ၂ ရာခိုင်နှုန်း မြှင့်တင်ခဲ့သည်။ တရုတ်နိုင်ငံသည် နယ်မြေပိုင်ဆိုင်ခွင့်အရေးဆိုမှုများ ပိုမိုခိုင်မာလာစေရေးအတွက် လက်နက်ကိုင်တပ်များ အင်အားတောင့်တင်းရေးနှင့်ခေတ်မီရေးတို့အတွက် ကြိုးပမ်းလျက်ရှိကြောင်း ဆင်ဟွာ သတင်းဌာန၏ဖော်ပြချက်အရ သိရသည်။
