“ပြည်ပစေလွှတ်သည့်အလုပ်သမားစာရင်း မတင်ပြတဲ့ အေဂျင်စီ ၅၀ ကျော်ကိုအချိန်မီတင်ပြရန်သတိပေး”
06 Mar
၂၀၂၅ ခုနှစ်၊ ဖေဖော်ဝါရီလအတွက် ပြည်ပသို့အလုပ်သမားစေလွှတ်သည့် စေလွှတ်လချုပ်စာရင်းပေးပို့ရန် ကျန်ရှိနေတဲ့ အေဂျင်စီ ၅၅ ခုကို အချိန်မီ လာရောက်ပေးပို့ရန် အလုပ်သမားဝန်ကြီးဌာနက သတိပေးထားပါတယ်။ အဆိုပါ အေဂျင်စီများအနေနဲ့ အချိန်မီပေးပို့ခြင်းမရှိပါက ဒဏ်ကြေးပေးဆောင်ကြရမည်ဖြစ်ကြောင်း အသိပေး ထားပါတယ်။ ပြည်ပသို့ လုပ်သားစေလွှတ်တဲ့ အေဂျင်စီများအနေနဲ့ လစဥ်စေလွှတ်ခဲ့တဲ့ အလုပ်သမားစာရင်း ကို လစဉ်အလုပ်သမားဝန်ကြီးဌာနသို့ ပေးပို့ရခြင်းဖြစ်ပါတယ်။ ယခင်က စာရင်းပေးပို့ရန်ပျက်ကွက်သည့် အေဂျင်စီများကို ဒဏ်ကြေးကောက်တဲ့အပြင် အလုပ်ခေါ်စာအသစ် တင်ခွင့်ကိုပါ ဆိုင်းငံ့သည်အထိ အရေးယူမှုများရှိခဲ့ပြီး လက်ရှိမှာလည်း အေဂျင်စီအချို့ မူဝါဒအပြောင်းအလဲ များကြောင့် ပြည်ပသို့ အလုပ်သမား မစေလွှတ်နိုင်ကြောင်းလည်း သိရပါတယ်။ ပြည်ပသို့ အလုပ်သမားစေလွှတ်ခွင့် အတွက် အေဂျင်စီ ၆၀၀ ကျော် အကျိုးဆောင်လိုင်စင်ရယူထားတယ်လို့ သိရပါတယ်။ (NVS 004)
