“၂၀၂၄ -၂၀၂၅ ဘဏ္ဍာနှစ် ၁၀ လအတွင်း ပြည်ပသို့ ငါး၊ ပုစွန်တန်ချိန် ၃ သိန်းကျော်ထိ တင်ပို့ထား”
06 Mar
ယခု ၂၀၂၄ -၂၀၂၅ ဘဏ္ဍာနှစ်ရဲ့ ၁ဝ လတာကာလအတွင်း ပြည်ပသို့ ငါးနှင့် ပုစွန်တန်ချိန် ၃ သိန်းကျော် တင်ပို့ထားကြောင်း ငါးလုပ်ငန်းဦးစီးဌာနကနေ သိရပါတယ်။ အဆိုပါတင်ပို့မှုတွေကတော့ ငါးတင်ပို့မှုက တန်ချိန် ၃၂ဝ,၂၂၃ ဒသမ ၂၅၃ နဲ့ အများဆုံးတင်ပို့ခဲ့ခြင်းဖြစ်ကာ ပုစွန်တင်ပို့မှုက တန်ချိန် ၇,ဝ၂၈ တန်ချိန်သာ တင်ပို့နိုင်ခဲ့ပြီး အမေရိကန်ဒေါ်လာသန်း ၃၆၀ ကျော်ရရှိထားပြီး သိရပါတယ်။ ပြည်တွင်းရေထွက်ကုန်ဖြစ်တဲ့ ငါးတင်ပို့မှုကို ပြည်ပသို့ တင်ပို့ရာမှာ ပုံမှန်ကုန်သွယ်မှုဖြစ်တဲ့ ရေကြောင်းမှ တင်ပို့နေသလို နယ်စပ်လမ်းကြောင်းမှလည်း တင်ပို့လျက်ရှိကြောင်း သိရပါတယ်။ မြန်မာနိုင်ငံမှ ထွက်ရှိတဲ့ ငါး၊ ပုစွန် အပါအဝင် ရေထွက်ကုန်ပစ္စည်းများကို တရုတ်၊ ထိုင်း၊ ဘင်္ဂလားဒေ့ရှ်နှင့် ဂျပန်နိုင်ငံ အပါအဝင် နိုင်ငံပေါင်း ၄ဝ ကျော် ကို တင်ပို့ရောင်းချနေခြင်း ဖြစ်ပါတယ်။ ရေထွက်ကုန်များကို တင်ပို့ရောင်းချရာမှာ ပြည်ပပို့ကုန်သမားများက ရန်ကုန်မြို့မှတစ်ဆင့် ပုံမှန်ရေကြောင်းကုန်သွယ်မှုမှ တင်ပို့ကြသလို နယ်စပ်ကုန်သွယ်ရေးမှလည်း တင်ပို့နေကြောင်း သိရပါတယ်။ (NVS 004)
