“အပစ်အခတ်ရပ်စဲရန်ငြင်းဆိုမှုအတွက် ဇာလန်းစကီးအား အီလွန်မက်က အပြင်းအထန်ဝေဖန်”
04 Mar
ရုရှားနိုင်ငံနှင့်အပစ်အခတ်ရပ်စဲရန် ငြင်းဆိုမှုအတွက် ယူကရိန်းသမ္မတ ဇာလန်းစကီးအား အမေရိကန် ဘီလီယံနာနှင့်သမ္မတ ဒေါ်နယ်ထရမ့်၏အကြံပေးတစ်ဦးဖြစ်သူ အီလွန်မက်က အပြင်းအထန်ဝေဖန်လိုက်ကြောင်း မီဒီယာတစ်ခုတွင် မတ်လ ၃ ရက်က ဖော်ပြသည်။ ယူကရိန်းနိုင်ငံသည် ငြိမ်းချမ်းရေးအတွက် စေ့စပ်ဆွေးနွေးရန် ငြင်းဆိုခြင်းအားဖြင့် လက်ရှိဖြစ်ပွားနေသည့် လက်နက်ကိုင်ပဋိပက္ခကို ပိုမိုရှည်ကြာစေရန်ဖန်တီးလျက်ရှိပြီး ယူကရိန်း ပြည်သူအများအပြားကို အသက်ဆုံးရှုံးစေရန်လုပ်ဆောင်လျက်ရှိကြောင်း အီလွန်မက်က ပြောကြားထား သည်။ အီလွန်မက်၏ အဆိုပါပြောကြားချက်သည် ယူကရိန်းသမ္မတ ဇာလန်းစကီး က ရုရှားနှင့်တွေ့ဆုံဆွေးနွေး ရန် ငြင်းဆိုခဲ့ပြီး အနောက်ဥရောပရှိ မဟာမိတ်နိုင်ငံများမှငွေကြေးထောက်ပံ့မှုရရှိရန် တောင်းဆိုနေစဉ် ထွက်ပေါ် လာခြင်းဖြစ်သည်။ ထရမ့် ဦးဆောင်သည့် အမေရိကန်အစိုးရအနေဖြင့် ယူကရိန်းနိုင်ငံက အပစ်အခတ်ရပ်စဲရေး အတွက် စေ့စပ်ဆွေးနွေးမှုများပြုလုပ်ရန် သဘောတူညီခြင်းမရှိပါက ယူကရိန်းအစိုးရသို့ အကူအညီများပေးအပ် မည် မဟုတ်ဟု ပြောကြားထားသည်။ ထရမ့် သည် ဇာလန်းစကီးနှင့် ဝါရှင်တန်မြို့ရှိ အိမ်ဖြူတော်၌ ဖေဖော်ဝါရီ လ၂၈ ရက်တွင် တွေ့ဆုံစဉ် ယူကရိန်းအနေဖြင့် ရုရှားနှင့်အပစ်အခတ်ရပ်စဲရေး သဘောတူညီချက်ချမှတ်နိုင်ရန် ကြိုးပမ်းသင့်သည်ဟု ထရမ့်က တိုက်တွန်းခဲ့ပြီးနောက် ခေါင်းဆောင်နှစ်ဦးအကြား ငြင်းခုံမှုများဖြစ်ပွားခဲ့ကြောင်း RT သတင်းဌာန၏ ဖော်ပြချက်အရ သိရသည်။
