“မကွေးမြသလွန်စေတီတော်မြတ်ကြီး၏ အာရုံခံတန်ဆောင်းသစ်တည်ဆောက်မည်”
04 Mar
မကွေးတိုင်းဒေသကြီး၊ မကွေးမြို့ကျက်သရေဆောင် ရှေးဟောင်းသမိုင်းဝင် မြသလွန်စေတီတော်မြတ်ကြီးမှာ မြသလွန်စေတီတော်အာရုံခံတန်ဆောင်းသစ်ကြီးကို တည်ဆောက်သွားမည်ဖြစ်ကြောင်း သိရပါတယ်။ အဆိုပါမြသလွန်စေတီတော်အာရုံခံ တန်ဆောင်းသစ်ကြီးတည်ဆောက်ရန် ပန္နက်တော်တင်မင်္ဂလာ အခမ်းအနားကို မတ်လ ၂ ရက်နံနက် ၆ နာရီခွဲက ဆင်ယင်ကျင်းပခဲ့ရာ မကွေးတိုင်းဒေသကြီးဝန်ကြီးချုပ် ဦးတင့်လွင် တက်ရောက်ခဲ့တယ်လို့ သိရပါတယ်။ အဆိုပါ အခမ်းအနားမှာ မကွေးတိုင်းဒေသကြီးဝန်ကြီးချုပ် ဦးတင့်လွင်နှင့် တာဝန်ရှိသူများ က မင်္ဂလာအချိန်မှာတော့ ဇယန္တောအောင်ဂါထာတော်ရွတ်ဖတ်၍ ပန္နက်တော်တင်ပေးကာ ပန္နက်တော်များအား အမွေးနံ့သာရည်များပက်ဖျန်းပေးခဲ့သည်။ (NVS 004)
04 Mar
