“ဂါဇာတွင် စစ်ရေးလှုပ်ရှားမှုများကို ပြန်လည်စတင်ပါက ထူးခြားသည့် လက်တုံ့ပြန်မှုများနှင့် ရင်ဆိုင်ရမည်ဟု ဟူသီခေါင်းဆောင်က အစ္စရေးအားသတိပေး”
03 Mar
ဂါဇာကမ်းမြောင်ဒေသတွင် စစ်ရေးလှုပ်ရှားမှုများကိုပြန်လည်စတင်မည်ဆိုပါက ထူးခြားသည့် လက်တုံ့ပြန် မှုများနှင့် ရင်ဆိုင်ရမည်ဖြစ်ကြောင်း ဟူသီသူပုန်အဖွဲ့မှခေါင်းဆောင်က အစ္စရေးအား သတိပေးလိုက်ကြောင်း သိရ သည်။ အစ္စရေးတပ်မတော်အနေဖြင့် ဂါဇာကမ်းမြောင်ဒေသတွင် စစ်ဆင်ရေးများ ပြန်လည်စတင်ပါက အစ္စရေး ပိုင်နက်နယ်မြေများ၊ အထူးသဖြင့် တဲအဗစ်မြို့ အတွင်းသို့ ဟူသီအဖွဲ့က စစ်ရေးအရ လက်တုံ့ပြန်မည်ဖြစ်ကြောင်း ၎င်းအဖွဲ့ခေါင်းဆောင် အဗ္ဗဒူမာလစ်အယ်ဟူသီ က မတ်လ ၁ ရက်နှောင်းပိုင်းတွင် သတိပေးခြင်း ဖြစ်သည်။ ဟူသီအဖွဲ့သည် ပါလက်စတိုင်းပြည်သူများကို ထောက်ခံရန်အတွက် ဘာသာရေး၊ လူသားချင်းစာနာမှုနှင့် လူ့ကျင့်ဝတ်ပိုင်းအရ တာဝန်ရှိကြောင်း၊ အစ္စရေးအနေဖြင့် ဂါဇာကမ်းမြောင်ဒေသတွင် စစ်ဆင်ရေးများ ပြန်လည် စတင်ပါက ဟူသီအဖွဲ့က စစ်မျက်နှာအများအပြား ဖွင့်လှစ်တိုက်ခိုက်ရန်အသင့်ရှိကြောင်း ၎င်းကဆက်လက် ပြောကြားသည်။ လက်ရှိတွင် ဟူသီသူပုန်အဖွဲ့သည် ယီမင်နိုင်ငံမြို့တော် ဆာနားအပါအဝင် နိုင်ငံမြောက်ပိုင်းရှိ နယ်မြေအများအပြားကို ထိန်းချုပ်ထားပြီး အစ္စရေးနှင့်ဟားမက်စ်တို့၏လက်နက်ကိုင်ပဋိပက္ခတွင် ဟားမက်စ် အဖွဲ့ကို ထောက်ခံသည့်အနေဖြင့် အစ္စရေးနိုင်ငံနှင့်ဆက်နွှယ်သည့် သင်္ဘောများကို ပင်လယ်နီအတွင်း တိုက်ခိုက် လေ့ရှိကြောင်း သိရသည်။ ဟူသီသူပုန်အဖွဲ့အပေါ် အမေရိကန်နှင့် ဗြိတိန်တို့ကလည်း တုံ့ပြန်တိုက်ခိုက်လျက် ရှိ ကြောင်း ဆင်ဟွာသတင်းဌာန၏ဖော်ပြချက်အရ သိရသည်။
