“တောင်သူလယ်သမားနေ့ အထိမ်းအမှတ်အဖြစ် စိုက်ပျိုးရေးနှင့်မွေးမြူရေးလုပ်ငန်းများပြပွဲပြုလုပ်”

03 Mar

မတ်လ ၂ ရက်တွင် ကျရောက်ခဲ့သော တောင်သူလယ်သမားနေ့ အထိမ်းအမှတ်အဖြစ် ရန်ကုန်တိုင်းဒေသကြီး စိုက်ပျိုးရေးနှင့် မွေးမြူရေးလုပ်ငန်းများပြပွဲကို လှိုင်သာယာမြို့နယ် အမှတ် (၇) ရပ်ကွက် ဘုရင့်နောင်ပန်းခြံမှာ ကျင်းပပြုလုပ်ခဲ့ပါတယ်။ တောင်သူလယ်သမားနေ့ အထိမ်းအမှတ် ရန်ကုန်တိုင်းဒေသကြီး စိုက်ပျိုးရေးနှင့် မွေးမြူရေးလုပ်ငန်းများပြ ပွဲမှာ အသီးအနှံမျိုးစေ့ပြခန်းများ၊ ဟင်းသီးဟင်းရွက်ပြခန်းများ၊စားဖိုချောင်သီးနှံပြခန်းများ၊ တိရိစ္ဆာန်များအတွက် အစားအစာပြခန်းများ၊ မြစိမ်းရောင်အသားကဏ္ဍ၊ စိုက်ပျိုးရေးကဏ္ဍ၊ မွေးမြူရေးကဏ္ဍပြခန်းများ၊ MSME ပြခန်းနှင့် အရောင်းဆိုင်များ၊ လှိုင်သာယာ၊ ရွှေပြည်သာ စက်မှုဇုန်တို့မှ ထုတ်ကုန်ပစ္စည်းအရောင်းဆိုင်များ၊ တောင်သူများ အတွက် အထူးအစီအစဉ်အဖြစ် စိုက်ပျိုး၊ မွေးမြူရေးဘဏ်များနှင့်ချိတ်ဆက်၍ ကန်ထရိုက်လယ်ယာစနစ်များဖြင့် ဆောင်ရွက်ပေးမည့်အစီအစဉ်များ၊ တိုင်းဒေသကြီးဌာနဆိုင်ရာများဖြစ်တဲ့ ဆည်မြောင်းနှင့် ရေအသုံးချမှု စီမံခန့်ခွဲရေး ဦးစီးဌာန၊ စိုက်ပျိုးရေးဦးစီးဌာန၊ မွေးမြူရေးနှင့် ကုသရေးဦးစီးဌာန၊ ငါးလုပ်ငန်းဦးစီးဌာန၊ အသေးစား စက်မှုလက်မှု လုပ်ငန်း ဦးလစီးဌာနတို့မှ ညွှန်ကြားရေးမှူးများ၏ Talk Show အစီအစဉ်များ ထည့်သွင်းကျင်းပခဲ့ပါတယ်။ ပြပွဲနှင့် ဈေးရောင်းပွဲသို့ လှိုင်သာယာ ၊ ထန်းတပင်၊ တွံ့တေး၊ ကော့မှူး၊ ကွမ်းခြံကုန်း၊ လှည်းကူး၊ မှော်ဘီ၊ တိုက်ကြီး၊ သန်လျင်၊ သုံးခွ၊ မင်္ဂလာဒုံ၊ ရွှေပြည်သာတို့မှ တောင်သူများနှင့်ဆရာ၊ ဆရာမများ၊ ဌာနဆိုင်ရာဝန်ထမ်းများ၊ ကျောင်းသား၊ ကျောင်းသူများ၊ ပြည်သူများ တက်ရောက်ကြည့်ရှုလေ့လာခဲ့ကြတယ်လို့ သိရပါတယ်။ (NVS 004)

03 Mar

ADVERTISE HERE .