“ဂျပန်လူမျိုးများကို လိမ်လည်ရန် ဂျပန်စကားတတ်တဲ့ မြန်မာများကို ပစ်မှတ်ထားခေါ်နိုင်ယူနေကြောင်း သတိပေးထုတ်ပြန်”
03 Mar
ဂျပန်လူမျိုးများကို သွေးဆောင်လှည့်ဖြားနေသော အွန်လိုင်းငွေလိမ်ဂိုဏ်းများက ဂျပန်စကားတတ်တဲ့ မြန်မာ များကို ပစ်မှတ်ထားခေါ်ယူကာ ဂျပန်လူမျိုးများကို လိမ်လည်နိုင်သောကြောင့် သတိထားရန်လိုကြောင်း မြန်မာနိုင်ငံ ဆိုင်ရာ ဂျပန်သံရုံးက အသိပေးထုတ်ပြန်ထားပါတယ်။ လတ်တလောကာလအတွင်း ဂျပန်နိုင်ငံတွင် အွန်လိုင်းဂိမ်း၊ လူမှုကွန်ယက်စသည်တို့မှ သိကျွမ်းလာခဲ့ပြီး မျက်မြင်တွေ့ဆုံဖူးခြင်းမရှိသော အသိမိတ်ဆွေမှတစ်ဆင့် ထိုင်း၊ ကမ္ဘောဒီးယားအစရှိတဲ့ ပြည်ပနိုင်ငံများတွင် အလုပ်လုပ်ကိုင်ရန် မိတ်ဆက်ပေးတဲ့အတွက် ထိုနိုင်ငံသို့ ထွက်ခွာလာပြီးနောက်ဆုံးတွင် မြန်မာနိုင်ငံ မြဝတီမြို့ရှိ အွန်လိုင်းငွေလိမ်လည်ရေးစခန်းများသို့ ခေါ်ဆောင်လာခြင်းခံရကာ အွန်လိုင်းလိမ်လည်မှုများ လုပ်ကိုင်ရန်စေခိုင်းခံရ သောဖြစ်ရပ်များ ဆက်တိုက်ဆိုသလို ဖြစ်ပွားလျက်ရှိပါတယ်။ အွန်လိုင်းငွေလိမ်လည်ရေးစခန်းများမှာ ငွေလိမ်လည်မှုကို လုပ်ဆောင်ခြင်းဟာ ပြစ်မှုမြောက်ကာ လိမ်လည်ရေးစခန်းများမှာမူ မျက်ခြည်မပျက်စောင့်ကြည့်ခံရသော အနေအထားနဲ့ လိမ်လည်မှုများကို အတင်းအကြပ် စေခိုင်း ခံရပြီး သတ်မှတ်ခွဲတမ်းမပြည့်မီပါက ညှဉ်းပန်းခံရတဲ့အဖြစ်များလည်း ဖြစ်ပေါ်လျက် ရှိတယ်လို့ သိရပါတယ်။ သို့ဖြစ်၍ အွန်လိုင်းဂိမ်းများနှင့်အင်တာနက်အစရှိသည်တို့တွင် သိကျွမ်းလာခဲ့ပြီး မျက်မြင်တွေ့ဆုံဖူးခြင်း မရှိသော အသိမိတ်ဆွေမှတစ်ဆင့် ဂျပန်ဘာသာစကားကို အသုံးပြုရမည့်အလုပ်လုပ်ကိုင်ရန် ဆွဲဆောင်ခြင်းခံရပါက စူးစမ်းဆင်ခြင်မဲ့ယုံကြည်ခြင်းမျိုးမပြုလုပ်ဘဲ မိသားစုနှင့် မြန်မာနိုင်ငံဆိုင်ရာဂျပန်သံရုံးသို့ တိုင်ပင်ဆွေးနွေးမှုများ ပြုလုပ်ခြင်းဖြင့် လိမ်လည်လှည့်ဖြားခြင်းမခံရအောင် အထူးသတိပြုကြစေလိုကြောင်း အသိပေးထားပါတယ်။(NVS 004)
