Miss Yangon 2025 အလှမယ်ပြိုင်ပွဲကို ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ မြန်မာကွန်ဗင်းရှင်း စင်တာ MCC ခန်းမတွင် မတ်လ ၇ ရက်တွင် ကျင်းပသွားမည်ဖြစ်ကြောင်း ရန်ကုန်တိုင်းဒေသကြီး အမျိုးသမီးကော်မတီမှ သိရပါတယ်။ အဆိုပါပြိုင်ပွဲကို ၂၀၂၅ ခုနှစ်၊ အပြည်ပြည်ဆိုင်ရာအမျိုးသမီးများနေ့ အထိမ်းအမှတ်အဖြစ် ရန်ကုန်တိုင်း ဒေသကြီး၊ အမျိုးသမီးကော်မတီမှ ကြီးမှူးကျင်းပခြင်းဖြစ်ပါတယ်။ ပြိုင်ပွဲဝင်အလှမယ်တွေကို လျှောက်လွှာခေါ်ယူထားကာ အဆိုပါ Miss Yangon 2025 အလှမယ်ပြိုင်ပွဲသို့ ပါဝင်ယှဉ်ပြိုင် လိုသူများအနေဖြင့် အိမ်ထောင်မကျဖူးသူ အပျိုဖြစ်ရမည်ဖြစ်ပြီး အရပ်အမြင့် အနိမ့်ဆုံး ၅ ပေ ၄ လက်မ ရှိရမည်ဖြစ်ကြောင်းနဲ့ ကိုယ်အလေးချိန်ပေါင် ၁၂၀ နှင့် ၁၆၀ ကြားရှိရန် သတ်မှတ်ထားပြီး အသက် ၁၈ နှစ်မှ ၂၀ နှစ် အတွင်း၊ ပညာအရည်အချင်း အနည်းဆုံး အထက်တန်းအဆင့် အောင်မြင်ရန်လိုကြောင်းနှင့် ကူးစက်ရောဂါမရှိသူ၊ ပြစ်မှုမှတ်တမ်းကင်းစင်သူ ဖြစ်ရမည်ဖြစ်ကြောင်း ပြိုင်ပွဲကျင်းပရေးကော်မတီထံမှ သိရပါတယ်။ (NVS 004)