ဒီနေ့ည ၈နာရီမှာတော့ Novel Star Pageရဲ့ ကျန်းမာရေးကဏ္ဍကနေ ရေနွေးကြမ်းသောက်ခြင်းရဲ့ ကျန်းမာရေး ကောင်းကျိုးတွေ အကြောင်းကို ပြောပြသွားမှာ ဖြစ်ပါတယ်။ ရေနွေးကြမ်းမှာ Antioxidants လို့ခေါ်တဲ့ ဓာတ်တိုးဆန့်ကျင်ပစ္စည်းတွေဝင်ပါတယ်။ ဆဲလ်တွေ အချိန်မတိုင်ခင် ပျက်စီးခြင်းကို ကာကွယ်ပါတယ်။ ရေနွေးကြမ်းဟာ ကော်ဖီလောက် ကဖင်းဓာတ် မများပါဘူး။ ရင်တုန်တာ တို့ဖြစ်ခဲပါတယ်။ ရေနွေးကြမ်းဟာ ကိုယ်အလေးချိန်ကို ကျဆင်းစေပါတယ်။ နှလုံးရောဂါကိုလည်း တစ်နည်းအားဖြင့် ကာကွယ်ပေးပါတယ်။ ကဖင်း အနည်းငယ်ပါဝင်တာကြောင့် အာရုံကို နိုးကြားစေပါတယ်။ အာရုံစူးစိုက်မှု ကောင်းစေပါတယ်။ အလွန်အကျွံသောက်ရင်တော့ အိပ်မပျော်တာမျိုး ဖြစ်တတ်ပါတယ်။ ဒါ့အပြင် လက်ဖက်မှာ ပါဝင်တဲ့ Polyphenols နဲ့ catechins လို့ခေါ်တဲ့ ဓာတ်ပေါင်းတွေဟာ ကင်ဆာရောဂါကို လျှော့ချပေးနိုင်တယ်လို့သုတေသနတွေက ပြောကြပါတယ်။ လေ့လာတွေ့ရှိချက် တစ်ခုအရ ရေနွေးကြမ်းသောက်တဲ့ အမျိုးသမီးများမှာ သားဥအိမ်ကင်ဆာ အဖြစ်နည်းတယ်လို့ ဆိုပါတယ်။ (NVS 003)