ဒီနေ့ည ရှစ်နာရီမှာတော့ Novel Star Page ရဲ့ ကျန်းမာရေး ကဏ္ဍကနေ Pine Needle Tea သောက်ခြင်းရဲ့ ကောင်းကျိုးတွေကို ပြောပြချင်ပါတယ်။ Pine Needle Tea က ကိုရီးယား နဲ့ မြောက်အမေရိက ဒေသတွေမှာ ရေပန်းစားပြီး သောက်သုံးနေတဲ့ လက်ဖက်ရည်တစ်မျိုး ဖြစ်ပါတယ်။ Pine Needleဟာ ထင်းရှူးပင်ရဲ့ အရွက်တွေကနေ ပြုလုပ်ထားတဲ့ ဆေးဖက်ဝင်တဲ့ အပင်တစ်မျိုး ဖြစ်ပါတယ်။ Pine Needle Tea ကို အအေးလို သောက်သုံးနိုင်ပြီး အစာချေဖျက်မှုနဲ့ အစာအိမ်ကျန်းမာရေးအတွက် ကောင်းမွန်တဲ့ ဆေးတစ်လက် ဖြစ်ပါတယ်။ Pine needle tea မှာ Vitamin A မြင့်မားစွာပါ၀င်တာကြောင့် မျက်စိအမြင်အာရုံအတွက် ကောင်းမွန်စေပြီး ဆံပင်နဲ့ အရေပြားကို ပြန်လည်ရှင်သန်လာစေပါတယ်။ သွေးနီဥဆဲလ်တွေ ထုတ်လုပ်မှု ကိုလည်း ကောင်းမွန်စေပါတယ်။ ချောင်းဆိုးပျောက်ဆေးအဖြစ် အသုံးပြုနိုင်ပြီး ရင်ကြပိခြင်းကို သက်သာစေဖို့အတွက်နဲ့ လည်ချောင်းနာခြင်းအတွက်ပါ ကောင်းမွန်ပါတယ်။ နောက်ပြီးတော့ အသက်ရှုလမ်းကြောင်းဆိုင်ရာ ပြဿနာတွေကိုလည်း ကုသပေးပြီး နာတာရှည်ရောဂါတွေ မဖြစ်စေအောင်လည်း လုပ်ဆောင် ပေးပါတယ်။ ဆောင်းရာသီမှာ Pine Needle Tea ကို ချောင်းဆိုးခြင်းနဲ့ အအေးမိခြင်းတို့ကနေ ကာကွယ် နိုင်ဖို့အတွက် အများဆုံး သောက်သုံးကြပါတယ်။ (NVS 003)