ဒီနေ့ည ရှစ်နာရီမှာတော့ Novel Star Page ရဲ့ ကျန်းမာရေး ကဏ္ဍကနေ ဆီးဖြူသီးရဲ့ ကျန်းမာရေး ကောင်းကျိုးတွေအကြောင်းကို ပြောပြပေးသွားမှာ ဖြစ်ပါတယ်။ ဆီးဖြူသီးဟာ Vitamin C အလွန်ကြွယ်ဝတဲ့ သဘာဝအသီးအနှံဖြစ်ပါတယ်။ အသဲနဲ့ဆိုင်သော ရောဂါ ဝေဒနာတွေကို သက်သာပျောက်ကင်းစေပါတယ်။ သွေးအတွင်း အဆိပ်အတောက်တွေနဲ့၊ ဗိုင်းရပ်ပိုး၊ ဗက်တီးရီးယားနဲ့ ပိုးမွှားတွေကိုလည်း ဖယ်ရှားပေးနိုင်ပါတယ်။ သွေးအားကောင်းစေတဲ့ Hemoglobin ဓာတ် ကြွယ်ဝအောင် ဖြစ်စေတာမို့ အမော ခံနိုင်ပြီး အသားအရေ ကြည်လင်လှပစေနိုင်ပါတယ်။ ဆီးဖြူသီးမှထုတ်ထားတဲ့ အရည်နဲ့ ပလုတ်ကျင်းရင် ခံတွင်းအနံ့ဆိုးတွေကို ကင်းစင်စေပြီး ခံတွင်း သန့်ရှင်းစေနိုင်တဲ့အပြင် သွားဖုံးသွေးယိုခြင်းကိုလည်း Vitamin C နဲ့ Calcium ဓာတ်တို့ပါဝင်တာကြောင့် ပျောက်ကင်းအောင်ကူညီပေးပါတယ်။ Cholesterol ကိုလည်း လျော့နည်းစေပြီး နှလုံးကြွက်သား များကိုလည်း သန်မာစေပါတယ်။ ဆီးဖြူသီးတစ်ညစိမ်ထားတဲ့ ရေသန့်အကြည်နဲ့ မျက်လုံးဆေးပေးရင် မျက်စိယားယံတာကို သက်သာ စေပြီး အမြင်အာရုံကို ကောင်းမွန်စေနိုင်ပါတယ်။ ဒါ့အပြင် ငှက်ပျောသီးမှည့်နဲ့ ဆီးဖြူသီးအရည်ကို တစ်ရက်အတွင်း ၃ ကြိမ်လောက် သောက်သုံးပါက ဓမ္မတာသွေးလွန်ခြင်းကို သက်သာစေနိုင်ပါတယ်။ ဆီးဖြူသီးဟာ သွေးတွင်းသကြားဓာတ်ကို လျှော့ချပေးတဲ့ သတ္တိရှိတဲ့အတွက် ဆီးချိုရောဂါဖြစ်ခြင်းမှလည်း ကာကွယ်ပေးနိုင်ပါတယ်။ (NVS 003)