ဒီနေ့ည ၈နာရီမှာတော့ Novel Star Pageရဲ့ ကျန်းမာရေးကဏ္ဍကနေ ကျန်းမာရေးအတွက် ကောင်းတဲ့ အသီးအနှံတွေ အကြောင်းကို ပြောပြသွားမှာ ဖြစ်ပါတယ်။ သရက်သီးဟာ ကျန်းမာရေးအတွက် အရမ်းကောင်းတဲ့ အသီးတစ်ခုပါ။ သာမန်သရက်သီးအမှည့် တစ်လုံးမှာ ၁၃၅ ကယ်လိုရီ ပါဝင်ပြီး ချိုမြတဲ့ အရသာကို ပေးပါတယ်။ သရက်သီးဟာ သဘာဝအချိုဖြစ်တာကြောင့် သကြားဓာတ် အနည်းငယ်သာ ပါဝင်လို့ ဆီးချိုသမားတွေအတွက် သင့်တော်တဲ့ အသီးအနှံထဲမှာ ပါဝင်ပါတယ်။ ဗီတာမင် C လည်း ပါဝင်တာကြောင့် သရက်သီးပေါ်တဲ့ ရာသီမှာ သရက်သီးကို မဖြစ်မနေ နေ့တိုင်းနီးပါး စားကြဖို့ တိုက်တွန်းချင်ပါတယ်။ ဘလူးဘယ်ရီလိုပဲ ဘလက်ဘယ်ရီဟာလည်း ကျန်းမာရေးအတွက် ကောင်းမွန်ပါတယ်။ ကယ်လိုရီ ၇၀ သာ ပါဝင်တာ ကြောင့် ဘလူးဘယ်ရီထက် ကယ်လိုရီပါဝင်မှုနည်းတယ်လို့ ဆိုနိုင်ပါတယ်။ အမျှင်ဓာတ်ကြွယ်ဝစွာ ပါဝင်တာကြောင့် ဗိုက်ပြည့်လွယ်လို့ ကိုယ်အလေးချိန် လျော့နေသူတွေအတွက် သင့်တော်တဲ့ အသီးလည်း ဖြစ်ပါတယ်။ ပန်းသီးက ကျန်းမာရေးအတွက် အရမ်းကောင်းတဲ့ အသီးဖြစ်ပါတယ်။ ပန်းသီးတစ်လုံးမှာ ကယ်လိုရီ ရှစ်ဆယ်ပါဝင်ပြီး အမျှင်ဓာတ် ၃ ဂရမ်ပါဝင်တယ်လို့ သိရပါတယ်။ ဒါ့အပြင် ဗီတာမင် B1,B2,B6, ဗီတာမင် C နဲ့ ဗီတာမင် E တို့ပါဝင်ပါတယ်။ သကြားဓာတ်လည်း ကြွယ်ဝစွာပါဝင်ပြီး ကယ်လ်စီယမ်၊ ပိုတက်စီယမ်၊ မဂ္ဂနီစီယမ် စတဲ့ ဓာတ်တွေလည်း ပါဝင်ပါသေးတယ်။ ငှက်ပျောသီးမှာ ပိုတက်စီယမ်ကြွယ်ဝစွာ ပါဝင်ပြီး ပိုတက်စီယမ်က နှလုံးနဲ့ ကြွက်သားကောင်းမွန်ဖို့ အတွက် လုပ်ဆောင်ပါတယ်။ အဲ့ဒါကြောင့် လေ့ကျင့်ခန်းမလုပ်မီ နဲ့ လုပ်အပြီးမှာ ငှက်ပျောသီးကို စားသင့်ပါတယ်။ ဒါတွေတင်မကသေးပါဘူး။ ငှက်ပျောသီးမှာ ဗီတာမင် B3, B6, A နဲ့ C တို့လည်း ပါဝင်ပါသေးတယ်။ တရုတ်ဆီးသီးမှာ ကိုလက်စရော ၅၀% ပါဝင်ပါတယ်။ ဒါ့အပြင် အဓိကပါဝင်တဲ့ အရာကတော့ ဗီတာမင် A ပဲ ဖြစ်ပါတယ်။ တကယ်လို့ သင်ဟာ တစ်နေ့ကို တရုတ်ဆီးသီး သုံးလုံးစားမယ်ဆိုရင် တနေ့တာလိုအပ်တဲ့ ဗီတာမင်အားလုံးရဲ့ ၃၅% ကို ရရှိတယ်လို့ ဆိုပါတယ်။ (NVS 003)