ဒီနေ့ည ၈ နာရီမှာတော့ Novel Star Page ရဲ့ ကျန်းမာရေးကဏ္ဍကနေ လမ်းလျှောက်ခြင်းကြောင့် ရရှိနိုင်တဲ့ ကျန်းမားရေး အကျိုးကျေးဇူးတွေအကြောင်းကို ပြောပြသွားမှာ ဖြစ်ပါတယ်။ လမ်းလျှောက်ခြင်းက သင့်ရဲ့ကျန်းမာရေးဆိုင်ရာပြဿနာတွေကို ကောင်းမွန်စေပါတယ်။ တစ်နေ့မှာ မိနစ် ၃၀ ခန့် လမ်းလျှောက်ပေးခြင်းက သင့်ရဲ့နှလုံးသွေးကြောဆိုင်ရာပြဿနာတွေကို လျော့ကျစေခြင်း၊ အရိုးသန်မာစေခြင်း၊ ခန္ဓာကိုယ်က အဆီတွေကို လောင်ကျွမ်းစေခြင်း၊ ကြွက်သားကျစ်လစ်သန်စွမ်းမှုကို ကောင်းမွန်စေခြင်းစတဲ့ ကျန်းမာရေး ကောင်းကျိုးတွေ ရှိပါတယ်။ လမ်းလျှောက်ခြင်းက ဝိတ်ကျဖို့ အကူအညီဖြစ်စေပါတယ်။ နှလုံးကျန်းမာရေးအတွက် ကောင်းမွန်စေပြီး နာတာရှည် ရောဂါတွေကိုလည်း သက်သာစေပါတယ်။ နောက်ပြီးတော့ ကင်ဆာရောဂါနဲ့ ဆီးချိုသွေးချိုရောဂါ ဖြစ်ပေါ် နိုင်ချေတွေကို လျော့ကျစေပါတယ်။ အိုမင်းရင့်ရော်ခြင်းကိုနှေးစေပြီး အိုမင်းချိန်မှာ မသန်မစွမ်းဖြစ်ခြင်းကိုလည်း ကာကွယ်ပေးပါတယ်။ လမ်းလျှောက် ခြင်းက သွေးဖိအားကို ကျစေပါတယ်။ ရုတ်တရက်လေဖြတ်ခြင်းကို ကာကွယ်ပေးပါတယ်။ ဒါ့အပြင် အဆုတ်ရဲ့ လုပ်ဆောင် ချက်ကို ကောင်းမွန်စေပါတယ်။ လမ်းလျှာက်ပေးခြင်းက ကိုယ်ခံစွမ်းအားကို တိုးစေပါတယ်။ နောက်ပြီးတော့ အစာခြေစနစ်ကိုပါ ကောင်းမွန် စေပါတယ်။ သတိမေ့လျော့ခြင်းကို သက်သာစေပါသေးတယ်။ အရိုးတွေနဲ့ ကြွက်သားတွေကိုလည်း အားကောင်း စေပါတယ်။ (NVS 003)