ဝုဖ်အသင်းက အသင်းနည်းပြသစ်အဖြစ် နည်းပြ ဗစ်တာပီရိုင်းရာ ကို ခန့်အပ်ခဲ့ကြောင်း အတည်ပြုထုတ်ပြန် ခဲ့ပါတယ်။ နည်းပြ ဗစ်တာပီရိုင်းရာ အနေနဲ့ နည်းပြဘဝတစ်လျှောက် ဖီနာဘာချီ၊ ပေါ်တို၊ ဖလာမင်ဂို စတဲ့ ကလပ်အသင်း များအပြင် အခြားကလပ်အသင်းများစွာကို ကိုင်တွယ်ပြီး အတွေ့အကြုံရှိတဲ့ နည်းပြတစ်ဦးဖြစ်ခြင်းကြောင့် ဝုဖ်အသင်းက နည်းပြသစ်အဖြစ် ခန့်အပ်ခဲ့ခြင်းဖြစ်ပါတယ်။ အသက် ၅၆ နှစ်အရွယ်ရှိ နည်းပြ ဗစ်တာပီရိုင်းရာ က ဝုဖ်အသင်းနည်းပြသစ်အဖြစ် ခန့်အပ်ခဲ့မှုအပေါ် ပျော်ရွှင် မိကြောင်း၊ ယုံကြည်စွာဖြင့် တာဝန်ပေးအပ်ခဲ့မှုအပေါ် အသင်းတာဝန်ရှိသူများကို ကျေးဇူးတင်ကြောင်းနဲ့ အသင်းကို ရလဒ်ကောင်းများရရှိအောင် ကြိုးစားသွားမည်ဖြစ်ကြောင်း ပြောကြားခဲ့ပါတယ်။(NVS 008)