ဆော်ဒီပရိုလိဂ်ကလပ် အယ်လ်အစ်တီဟတ်အသင်း တိုက်စစ်မှူး ဘန်ဇီမာ ဟာ ယခုနှစ်ဘောလုံးရာသီကုန်မှာ ဘောလုံးကစားသမားဘဝမှ အနားယူသွားဖွယ်ရှိကြောင်း သိရပါတယ်။ အသက် ၃၆ နှစ်ရှိပြီဖြစ်တဲ့ တိုက်စစ်မှူး ဘန်ဇီမာ ဟာ အယ်လ်အစ်တီဟတ်အသင်းနဲ့အတူ ပြိုင်ပွဲစုံ ၄၄ ပွဲ ကစားပြီး ၂၆ ဂိုး သွင်းယူထားနိုင်ခဲ့ပါတယ်။ ကစားသမားဘဝတစ်လျှောက် လိုင်ယွန်၊ ရီးရဲလ်မက်ဒရစ် အသင်းတို့မှာ ကစားခဲ့ပြီး အောင်မြင်မှုများစွာ ရယူနိုင်ခဲ့သလို နိုင်ငံလက်ရွေးစင် ပြင်သစ်အသင်းမှာ ၂၀၀၇ မှ ၂၀၂၂ ခုနှစ်အထိ ပြိုင်ပွဲ ၉၇ ပွဲကစားကာ ၃၇ ဂိုးအထိ သွင်းယူကာ ခြေစွမ်းပြနိုင်ခဲ့ပါတယ်။(NVS 008)