ဒီဇင်ဘာလ ၁၇ ရက်က FIFA The Best အကောင်းဆုံးကစားသမားဆုများကို FIFA က ထုတ်ပြန်ကြေညာခဲ့ရာ ရီးရဲလ်အသင်းရဲ့ ဘရာဇီးလ်ကြယ်ပွင့်တောင်ပံကစားသမား ဗင်နီစီယက်စ်က FIFA မှ ချီးမြှင့်တဲ့ The Best Award ကို ရရှိခဲ့သလို မန်ယူအသင်း တောင်ပံကစားသမား ဂါနာချို က အကောင်းဆုံးသွင်းဂိုးဆုကို ရရှိခဲ့တယ်လို့ သိရပါတယ်။ ဗင်နီစီယပ်စ် က ပြီးခဲ့တဲ့ရာသီအတွင်း ရီးရဲလ်မက်ဒရစ်အသင်းနှင့် အောင်မြင်မှုများစွာရရှိခဲ့သော်လည်း Ballon d'Or ဆုနှင့် လွဲချော်ခဲ့ရလို့ အခုဆုကိုရရှိရန် မျှော်လင့်နေခဲ့တာ ဖြစ်ပါတယ်။ ဂါနာချို ဟာ ၂၀၂၃-၂၄ ရာသီ ပရီးမီယားလိဂ်ပွဲစဉ်ဖြစ်တဲ့ အဲဗာတန်အသင်းနှင့်ပွဲမှာ သွင်းယူခဲ့သော ဂိုးနဲ့ အကောင်းဆုံးသွင်းဂိုးဆုကို ရရှိခဲ့ခြင်းဖြစ်ပါတယ်။ အာဂျင်တီးနားတောင်ပံကစားသမား ဂါနာချို က ယင်းဆုကို ရရှိခဲ့တဲ့အတွက် ဂုဏ်ယူမိကြောင်းလည်း ပြောကြားခဲ့ပါတယ်။ (NVS 008)