ပရီးမီးယားလိဂ်ဒိုင်လူကြီး ဒေးဗစ်ကိုးတီ အား စည်းကမ်းများချိုးဖောက်ခဲ့မှုကြောင့် ရာထူးမှထုတ်ပယ်လိုက်ပြီ ဖြစ်ကြောင်း အင်္ဂလန်ဒိုင်လူကြီးများအဖွဲ့ချုပ် (PGMOL)က အတည်ပြုထုတ်ပြန်ကြေညာခဲ့ပါတယ်။ အဆိုပါ ဒိုင်လူကြီးဟာ လီဗာပူးလ်အသင်းနည်းပြဟောင်း ဂျာဂန်ကလော့ပ် နဲ့ လီဗာပူးလ်အသင်းကို ရိုင်းပျစွာ စော်ကားပြောဆိုခဲ့တဲ့ဖြစ်ရပ်များအပြင် တာဝန်ထမ်းဆောင်နေစဉ်အတွင်း ကိုကင်းလို့ယူဆရတဲ့ အဖြူရောင်အမှုန့်များ ရှုနေသည့်ရုပ်သံဖိုင်လည်း ပျံ့နှံ့ခဲ့မှုကြောင့် အင်္ဂလန်ဒိုင်လူကြီးများအဖွဲ့ချုပ် (PGMOL)က ရာထူးမှထုတ်ပယ်ခဲ့ခြင်း ဖြစ်ပါတယ်။ (NVS 008)