“ဗလာဟိုဗစ် အား ရောင်းချရန် ဂျူဗင်တပ်အသင်းစီစဉ်”
12 Dec
စီးရီးအေကလပ် ဂျူဗင်တပ်အသင်းက အသင်းနဲ့စာချုပ်သက်တမ်းတိုးရန် အဆင်မပြေဖြစ်နေတဲ့ တိုက်စစ်မှူး ဗလာဟိုဗစ် ကို ရောင်းချသွားရန် စီစဉ်နေပါတယ်။ အသက် ၂၄ နှစ်အရွယ်ရှိ တိုက်စစ်မှူး ဗလာဟိုဗစ် ကို လက်ရှိတွင် အာဆင်နယ်၊ မန်ယူ နဲ့ ချဲလ်ဆီးအသင်း တို့က ခေါ်ယူရန် စိတ်ဝင်စားလျက်ရှိနေတာဖြစ်ပါတယ်။ တိုက်စစ်မှူး ဗလာဟိုဗစ် ဟာ ဂျူဗင်တပ်အသင်းနဲ့အတူ ၂၀၂၁-၂၀၂၂ ရာသီမှ လက်ရှိဘောလုံးရာသီအထိ ပြိုင်ပွဲစုံ ၁၁၈ ပွဲကစားပြီး ဂိုး ၅၀ သွင်းယူထားနိုင်တာဖြစ်လို့ ဥရောပအသင်းများက ခေါ်ယူရန် စိတ်ဝင်စားနေတာ ဖြစ်ပါတယ်။ ပရီးမီးယားလိဂ်ကလပ်အသင်းများဖြစ်တဲ့ အာဆင်နယ်၊ မန်ယူ နဲ့ ချဲလ်ဆီးအသင်းတို့က လာမည့် ဆောင်းရာသီဈေးကွက်အတွင်း ဂျူဗင်တပ်အသင်းမှ ရောင်းချလိုနေတဲ့ ဗလာဟိုဗစ် ကို ဘယ်အသင်းက လက်ဦးမှုရယူပြီး ခေါ်ယူနိုင်မလဲဆိုတာ စောင့်ကြည့်ရမှာဖြစ်ပါတယ်။ (NVS 008)
12 Dec
