“ကာလ်မီးကီယာပြည်နယ်အကြီးအကဲနှင့်အဖွဲ့ သီတဂူဆရာတော်ကြီးအား သွားရောက်ဂါဝရပြုဖူးမြော်”
12 Dec
ရုရှားဖက်ဒရေးရှင်းနိုင်ငံ ကာလ်မီးကီယာပြည်နယ်အကြီးအကဲ H.E. Mr. Batu KHASIKOV ဦးဆောင်သော ကိုယ်စားလှယ်အဖွဲ့က စစ်ကိုင်းမြို့ရှိ သီတဂူအပြည်ပြည်ဆိုင်ရာ ဝိပဿနာတက္ကသိုလ် နိုင်ငံတော်ဩဝါဒါစရိယ၊ ရွှေကျင်နိကာယဥက္ကဋ္ဌ ဂဏာဓိပတိသောဠသမ ရွှေကျင်သာသနာပိုင်၊ သီတဂူကမ္ဘာ့ဗုဒ္ဓတက္ကသိုလ်များနှင့် သီတဂူ ဆေးရုံတော်များရဲ့ အဓိပတိ၊ အဘိဓဇမဟာရဋ္ဌဂုရု အဘိဓဇအဂ္ဂမဟာ သဒ္ဓမ္မဇောတိက မဟာဓမ္မကထိက ဗဟုဇနဟိတဓရ သီတဂူဆရာတော် ဒေါက်တာဘဒ္ဒန္တဉာဏိဿရ ကို သွားရောက်ဖူးမြော်ခဲ့ကြပြီး ဗုဒ္ဓဘာသာပြန့်ပွား ရေးလုပ်ငန်းများနှင့် စပ်လျဉ်း၍ အပြန်အလှန်ဆွေးနွေးခဲ့ကြပါတယ်။ ကာလ်မီးကီယာပြည်နယ်အကြီးအကဲနှင့်အဖွဲ့က မန္တလေးမြို့ရှိ ကုသိုလ်တော်ဘုရား၊ မဟာလောကမာရဇိန် ကျောက်တော်ကြီးဘုရားနှင့် မန္တလေးတောင်တော်ရှိ ဆုတောင်းပြည့်စေတီတော်တို့ကို သွားရောက်ဖူးမြော်ကြည်ညို ကြပါတယ်။ (NVS 004)
12 Dec
