“ဂျိုကာရက်စ် အားခေါ်ယူရန် ဆွေးနွေးမှုတွေပြုလုပ်နေတဲ့ မန်ယူအသင်း”
11 Dec
မန်ယူအသင်းအနေနဲ့ စပို့တင်းလစ္စဘွန်းတိုက်စစ်မှူး ဂျိုကာရက်စ် အား ခေါ်ယူရန်အတွက် ဆွေးနွေးမှုများ စတင်ပြုလုပ်နေပြီဖြစ်ကြောင်း သိရပါတယ်။ အသက် ၂၆ နှစ်အရွယ် တိုက်စစ်မှူး ဂျိုကာရက်စ် ဟာ စပို့တင်းလစ္စဘွန်းအသင်းအတွက် ယခုရာသီပြိုင်ပွဲစုံ ၂၁ ပွဲမှာ ၂၄ ဂိုးအထိ သွင်းယူထားပြီး လက်ရှိမန်ယူအသင်းကို ကိုင်တွယ်နေတဲ့ နည်းပြ အာမိုရင် လက်အောက်မှာ ကျော်ကြားလာခဲ့သူ ဖြစ်ပါတယ်။ မန်ယူအသင်းက စပို့တင်းလစ္စဘွန်းနည်းပြ အာမိုရင် အား အသင်းနည်းပြအဖြစ် ခန့်အပ်ခဲ့ပြီးနောက် စပို့တင်း လစ္စဘွန်းအသင်းမှာ ၎င်းနဲ့အတွဲညီခဲ့တဲ့ တိုက်စစ်မှူး ဂျိုကာရက်စ် ကိုပါ ခေါ်ယူရန် စီစဉ်လာခြင်းဖြစ်ပါတယ်။ မန်ယူ အသင်းတာဝန်ရှိသူများက ၂၀၂၅ ခုနှစ် နွေရာသီမှာ ဂျိုကာရက်စ် ကို ခေါ်ယူနိုင်ရန်အတွက် ယခုချိန်ကစတင်၍ ဆွေးနွေးမှုများ စတင်ပြုလုပ်လာခဲ့ခြင်းဖြစ်ပါတယ်။ လက်ရှိမှာ ဂျိုကာရက်စ် အားခေါ်ယူရန် မန်စီးတီးနှင့် ဘာစီလိုနာအသင်းတို့ကပါ စိတ်ဝင်စားမှုနေကြပြီး မန်ယူ အသင်းအနေနဲ့ ၎င်းအသင်းတွေနဲ့အပြိုင် ကြိုးပမ်းရဖွယ်ရှိနေပါတယ်။ (NVS 008)
