“ဒီဘရိုင်း နဲ့အဆင်မပြေဖြစ်နေသည်မှာ မှန်ကန်မှုမရှိကြောင်း နည်းပြ ဂွါဒီယိုလာ ပြော”
11 Dec
မန်စီးတီးနည်းပြ ဂွါဒီယိုလာ က အသင်းကွင်းလယ်ကစားသမား ဒီဘရိုင်း နဲ့ ၎င်းတို့အကြား ဆက်ဆံရေး အဆင်မပြေဖြစ်နေကြောင်း ပြောဆိုမှုများမှာ မှန်ကန်မှုမရှိကြောင်း ပြောကြားခဲ့ပါတယ်။ မန်စီးတီးအသင်းအနေနဲ့ လတ်တလောမှာ ရလဒ်ဆိုးတွေ့နဲ့ ကြုံတွေ့နေရပြီး အခက်အခဲများနဲ့ ကြုံတွေ့နေ ရတာဖြစ်ပါတယ်။ ၎င်းအခြေအနေမှာ ဂွါဒီယိုလာ အနေနဲ့ ဒီဘရိုင်း အား ပွဲထွက်ကစားသမားအဖြစ် အသုံးမပြုခြင်းမှာ ၎င်းတို့နှစ်ဦးကြားဆက်ဆံရေး အဆင်မပြေခြင်းကြောင့် ဖြစ်လိမ့်မယ်လို့ ဘောလုံးဝေဖန်သူများက သုံးသပ်ပြောကြား မှုများ ရှိနေခဲ့ပါတယ်။ သို့သော် ဂွါဒီယိုလာ က အဆိုပါ သုံးသပ်ပြောဆိုမှုများကို ငြင်းဆန်ခဲ့ပြီး ဒီဘရိုင်း ဟာ ပြိုင်ဘက်ဧရိယာ အတွင်းမှာ ပါရမီအရှိဆုံး ကစားသမားဖြစ်ကြောင်းနဲ့ လတ်တလောမှာ ဒီဘရိုင်းအနေနဲ့ ဒဏ်ရာပြဿနာတွေနဲ့ ရုန်းကန်ခဲ့ရလို့ ခြေစွမ်းပြနိုင်ရန် အချိန်ယူ၍ အနားပေးခြင်းသာဖြစ်ကြောင်း ပြောဆိုခဲ့ပါတယ်။ (NVS 008)
